Sut fedrwn ni hyrwyddo brand Cymru?

Cynhaliodd cangen Meirionnydd Undeb Amaethwyr Cymru ei Chyfarfod Cyffredinol Blynyddol yng Nghlwb Rygbi Dolgellau ddiwedd Ionawr, gyda phanel arbenigol yn trafod ffyrdd o gryfhau a hyrwyddo brand Cymru ar gynnyrch amaethyddol.

Roedd y panel yn cynnwys Wyn Williams, Cyfarwyddwr Ffermwyr Undeb Amaethwyr Cymru; Emlyn Roberts, Aelod o Fwrdd Hybu Cig Cymru a ffermwr o Feirionnydd; ac Elain Gwilym, Ysgrifennydd Cymdeithas Defaid Mynydd Cymru. Cadeiriwyd y drafodaeth gan Lywydd UAC Meirionnydd, Siôn Ifans.

Trafodwyd ystod eang o faterion, gan gynnwys yr angen i hyrwyddo cig oen a gwlân Cymru mewn modd cryfach a mwy effeithiol, ynghyd â phwysigrwydd hanfodol sector amaethyddol ffyniannus wrth gynnal economi, cymunedau a hunaniaeth ddiwylliannol cefn gwlad Cymru.

Dywedodd Heledd Teleri Williams, Swyddog Gweithredol Sirol Undeb Amaethwyr Cymru Meirionnydd: “Rydym yn hynod ddiolchgar i’r panelwyr am rannu eu harbenigedd a’u mewnwelediadau gwerthfawr, a ysgogodd drafodaeth fywiog a chadarnhaol ar bwysigrwydd hyrwyddo cynnyrch Cymru a sicrhau dyfodol cynaliadwy i gefn gwlad Cymru.”