Edrych yn ôl ar 2021 gyda Llywydd UAC, Glyn Roberts

Latest News (CY)

Mae 2021 wedi bod yn flwyddyn arall o heriau i'r diwydiant amaethyddol, ond fel bob amser, rydym wedi gorchfygu’r rhwystrau a ddaeth ar ein traws ni. Dechreuodd ein blwyddyn mewn ffordd wahanol iawn i’r arfer - aeth yr wythnos frecwast ffermdy yn rhithwir, gan nad oedd digwyddiadau personol yn bosibl o hyd oherwydd cyfyngiadau Covid-19.

Serch hynny, llwyddodd y tîm i godi miloedd ar gyfer ein helusen y DPJ Foundation. Rydym nawr yn edrych ymlaen at gael brecwast naill ai'n bersonol neu’n rhithwir yn y Flwyddyn Newydd, felly cadwch lygad allan am wybodaeth sy'n lleol i chi a chysylltwch â'ch swyddfa sirol am ragor o fanylion.

Ymunodd ein timau, gan gynnwys staff o Wasanaethau Yswiriant FUW Cyf i frwydro yn erbyn iechyd meddwl gwael wrth iddynt ymuno ag eraill i gymryd rhan yn her # Run1000 i ysbrydoli cymunedau gwledig i fynd allan i gefn gwlad i helpu wella eu hiechyd meddwl. Enillydd yr her i gyrraedd y garreg filltir o 1,000 o filltiroedd oedd Cymru a chyfrannodd tîm grŵp UAC Cyf gyfanswm o 1,156 milltir at y 64,785 milltir a gofnodwyd ar draws pob tîm ledled y byd.

Ffermio sy’n cadw ein cymunedau’n fyw, meddai ffermwr o Gwm Penmachno

Latest News (CY)

Farming keeps our sense of communities alive, says Cwm Penmachno farmer: Dafydd Gwyndaf

Trychineb Cwm Penmachno i Dafydd Gwyndaf yw gweld y gymuned Gymreig yn dirywio.

Mae mewn sefyllfa unigryw i sylwi ar y newidiadau ar draws y cenedlaethau. “Fi yw’r drydedd genhedlaeth ar y fferm hon ac roedd y teulu yn y cwm cyn hynny. Mae fy ngwreiddiau yn ddwfn iawn yma yng Nghwm Penmachno” meddai.

Mae Dafydd yn cofio pan oedd y cwm bron yn gyfan gwbl Gymraeg ac yn gresynu dros y newidiadau: “Sefydlwyd cangen gyntaf erioed yr Urdd yma, roedd yna ddau gapel ac eisteddfodau blynyddol yn cael eu cynnal yn y pentrefi. Rwy'n cofio'r teulu cyntaf o Loegr yn dod i fyw yma ac ymhen ychydig wythnosau roedd y ddau blentyn yn rhugl yn y Gymraeg. Roedd hi’n naill a’i hynny neu ddim oherwydd prin ein bod ni'n gallu siarad unrhyw Saesneg o gwbl.”

‘Newidiodd addewidion ffug ein cymuned er gwaeth’ meddai ffermwr o Ogledd Cymru

Latest News (CY)
‘Our community changed for the worse because of false promises’, North Wales farmer says: Cyril Lewis 2
Mae ffermwr o Ogledd Cymru wedi siarad am sut mae ei gymuned wedi newid i bentref sy'n llawn ail gartrefi ac am ei bryderon am y dyfodol.
 
Ar un adeg roedd Cyril Lewis yn ffermio cymaint â naw tyddyn, ac roedd pob un ohonynt arfer bod yn eiddo i'r Comisiwn Coedwigaeth, ond bellach wedi eu gwerthu. Mae'n cofio sut roedd Cwm Penmachno yn gymuned lewyrchus o ffermwyr a chwarelwyr llechi yn rhannau uchaf Dyffryn Conwy.
 
Blynyddoedd lawer yn ôl, roedd y pentref yn brysur gyda phobl leol yn agor siopau preifat i gyflenwi'r 100 o chwarelwyr a oedd yn gweithio yn y chwarel a'r felin wlân gerllaw. Roedd yn gymuned o ffermwyr hunangynhaliol a fyddai’n cyfnewid bwyd a llafur, ac roedd gan y pentref ysgol o’r safon uchaf hefyd.

Ffermwyr Cwm Penmachno - addasu i newid a ffurfio cymuned wydn

Latest News (CY)

Cwm Penmachno farmers - adapting to change and forming a resilient community: Cwm Penmachno

Boed hynny o goedwigaeth, newidiadau demograffig yn y gymuned neu bolisïau’r llywodraethau, mae ein hardaloedd mwyaf anghysbell yn wynebu heriau a bygythiadau posib nas gwelwyd erioed o'r blaen.

Yn fwy nag erioed, mae ffermwyr yng Nghymru yn gyfrifol am ddiogelu ein tir a’n cymunedau ac mae Cwm Penmachno yn enghraifft berffaith o hyn.

Yn fasn o fryniau crwn ym mhen uchaf Dyffryn Conwy, roedd Cwm Penmachno yn gartref i gymuned amaethyddol o dyddynnod hunangynhaliol, gweithgar a llewyrchus.

Fferm Gardd Fotaneg Genedlaethol Cymru’n arwain y ffordd o ran cadwraeth a chynhyrchu bwyd

Latest News (CY)

National Botanic Garden of Wales farm leads the way in conservation and food production: FUW Huw Jones 1

Yn gorwedd o fewn Gwarchodfa Natur 400 acer Waun Las ger Caerfyrddin, mae clytwaith o weirgloddiau llawn blodau, coetiroedd a rhaeadrau ysblennydd – a fferm Pantwgan. Mae’r fferm organig hon yn rhan o Ardd Fotaneg Genedlaethol Cymru ac mae’n cael ei rhedeg dan lygad barcud y rheolwr fferm arweiniol, Huw Jones. Mae gofalu am yr amgylchedd, cynnal cynefinoedd amrywiol a chynhyrchu bwyd yn hollbwysig.

Yma mae Huw yn gofalu am fridiau traddodiadol megis Gwartheg Duon Cymreig a defaid Balwen. Gan ddisgrifio’r rôl maent yn ei chwarae yn rheoli’r cynefinoedd a’r warchodfa natur dywed: “Maen nhw’n gwbl allweddol i’r hyn ry’n ni’n ei wneud yma. Ry’n ni’n ffermio i gael bioamrywiaeth, dyna pam ry’n ni ‘ma. Ond wrth ffermio i gael bioamrywiaeth mae’n rhaid ichi gael da byw, mae ‘na gysylltiad annatod rhwng y ddau.”

Gyda niferoedd cymharol isel o dda byw, sef dim ond 70 o wartheg dros yr haf a 60 o famogiaid, mae’r fferm wedi bod yn organig am yr un mlynedd ar hugain diwethaf. Gydag ond ychydig o adeiladau i gadw’r defaid a’r gwartheg, mae Huw yn defnyddio’r fuches a’r ddiadell i’w potensial eithaf ar y 360 acer o laswelltir parhaol.

Busnes ffermio yng Ngheredigion yn dangos sut mae canolbwyntio ar gynaliadwyedd, arloesedd, ac ymdeimlad o gymuned yn arwain at lwyddiant

Latest News (CY)

Ceredigion farming business shows how a focus on sustainability, innovation and a sense of community brings success: Chuckling Goat 1

 Busnes ffermio yng Ngheredigion yn dangos sut mae canolbwyntio ar gynaliadwyedd, arloesedd, ac ymdeimlad o gymuned yn arwain at lwyddiant. Mae doniau cyfunol Americanes sy’n ystyried ei hun yn ferch y ddinas a ffermwr o Sir Aberteifi wedi arwain at fusnes llewyrchus iawn yng nghanol dyffryn Teifi.

Lansiwyd Chuckling Goat yn 2014 pan ymunodd y cyn-gyflwynydd radio o Dexas, Shann Nix-Jones â’r ffermwr o Gymru, Richard Jones, sydd â’i wreiddiau’n ddwfn yn ei fferm 25 acer ger Brynhoffnant, Llandysul, i gynhyrchu kefir o laeth geifr.

Erbyn hyn mae’r cwmni’n fenter ffyniannus sydd â chwsmeriaid ledled y byd. Ond er gwaetha’r demtasiwn amlwg i symud i uned ddiwydiannol sy’n nes at y seilwaith trafnidiaeth, mae’r cwpl wedi ymwrthod â hynny er mwyn datblygu eu gallu i brosesu ar y fferm wreiddiol.

Is-gategorïau

Newyddion Polisi Amaethyddol

Cysylltwch

Newyddion Diweddaraf

Search

Main Menu

Prif Ddewislen