[caption id="attachment_5367" align="aligncenter" width="1024"]
Presenting the cheque are (left to right) FUW Insurance Service Carmarthenshire area officer Gwion James, FUW president Glyn Roberts, FUW Insurance Services administrator Meinir Jones, FUW Insurance Services Ceredigion area officer Carys Davies and former FUW president Emyr Jones.[/caption]
Codwyd £4,099 ar gyfer hosbisau plant, T? Hafan a T? Gobaith ar ôl cynnal Noson Lawen fawreddog i ddathlu pen-blwydd Undeb Amaethwyr Cymru yn 60 mlwydd oed.
Cynhaliwyd y noson yn Neuadd y Drindod Dewi Sant, Prifysgol Llanbed ar Fai 23 ac roedd 350 o bobl yn bresennol.
“Cawsom noson lwyddiannus dros ben ac mae’n rhaid diolch i’r swyddog ardal Gwion James a’i gydweithwyr Carys Davies a Meinir Jones am drefnu noson mor arbennig” dywedodd cyn llywydd UAC Emyr Jones.
“Pleser oedd croesawu Elin Jones, Aelod Cynulliad Ceredigion i fod yn llywydd y noson ac wrth gwrs ewythr Elin, J B Evans oedd un o aelodau sylfaenol UAC drigain mlynedd yn ôl.
“Rhaid diolch hefyd i’n is lywydd Brian Walters am arwain y noson a chyflwyno’r llu o artistiaid lleol, a oedd yn cynnwys Ifan Gruffydd o Dregaron, Eirlys Myfanwy o Lanelli. Clive Edwards o Hendy-gwyn ar Daf; Fflur a Rhys Griffiths o Fethania, CFfI Llangadog a Côr Meibion y Mynydd o Bonterwyd gyda’i harweinydd Caryl Jones,” ychwanegodd Mr Jones.
Atyniad arall oedd lleisiau swynol Aled ac Eleri Edwards, Cil-y-Cwm. Mae’r ddau’n gyn enillwyr gwobr y Rhuban Glas yn yr Eisteddfod Genedlaethol ac mae Aled hefyd yn hynod o adnabyddus ym myd bridio gwartheg Limousin ac yn Llywydd rhyngwladol presennol y brîd.
“Rydym yn hynod o ddiolchgar o gefnogaeth ein prif noddwyr Dunbia, Llanybydder a hefyd cefnogaeth nifer o fusnesau gwledig lleol arall.
“Roedd hi’n bleser gweld cydweithredu rhwng ffermwyr, busnesau a’r cyhoedd wrth i ni ddathlu ein pen-blwydd yn drigain oed. Dathlon hefyd y cyfraniad enfawr mae’r diwydiant amaethyddol wedi ei wneud dros y blynyddoedd i fywyd cymunedol, i ddiwylliant a’r iaith Gymraeg yng nghefn gwlad,” ychwanegodd Mr Jones.