Mae Llywodraeth Cymru wedi cyhoeddi y bydd yn neilltuo £32 miliwn ar gyfer cynlluniau coetir dros y 3 blynedd nesaf.
Y tri chynllun fydd:-
Grantiau Bach – Cynllun Creu Coetir
Datblygwyd y cynllun hwn fel proses gyflym a hawdd ar gyfer ffermwyr a thirfeddianwyr sydd am blannu llai na 2 hectar o goed ar dir sydd:
- wedi’i wella’n amaethyddol, neu
- o werth amgylcheddol isel
- yr arwynebedd lleiaf ar gyfer plannu coed newydd i fod yn gymwys ar gyfer cymorth Grantiau Bach – Creu Coetir yw 0.1ha
- yr arwynebedd uchaf fesul cais yw 1.99ha o goed newydd, all gynnwys blociau o goed gydag arwynebedd isaf o 0.1ha
Mae’r prif nodweddion yn cynnwys:
- does dim angen cynllun creu coetir wedi’i ddilysu
- ni chollir unrhyw daliad BPS
- ffensio ar gyfradd uwch o £5.56/metr
- 12 mlynedd o daliadau cynnal a chadw a phremiwm
Mae cyllid ar gael ar gyfer y canlynol:
- plannu coed, ffensio a gatiau
- plannu coed cysgodi, ar hyd ymyl cyrsiau dŵr ac yng nghorneli caeau/caeau bach
- plannu at ddefnydd amrywiol, er enghraifft cysgod ar gyfer stoc, bioamrywiaeth a thanwydd coed
- Bydd nifer o ffenestri ymgeisio yn ystod y flwyddyn
Ar gyfer plannu ardaloedd bach o goed dan 2 hectar. Edrychwch ar y map Grantiau Bach – Cyfleoedd Coetir i weld a yw eich ardal arfaethedig yn gymwys.
Bydd y ffenestr Mynegi Diddordeb ar agor o 13eg Chwefror – 24ain Mawrth 2023. Bydd ail ffenestr ar agor o 22ain Mai – 21ain Awst 2023.
Am fwy o wybodaeth yma.
Cynllun Cynllunio Creu Coetir
I gynorthwyo tirfeddianwyr sydd am greu coetiroedd, ac sydd am wneud cais am gyllid, mae Llywodraeth Cymru wedi sefydlu’r Cynllun Cynllunio Creu Coetir.
Mae’r cynllun hwn yn darparu grant o rhwng £1,000 a £5,000 ar gyfer:
- cyngor proffesiynol gan Gynllunydd Coetir Cofrestredig
- datblygu cynllun creu coetir sy’n cydymffurfio â Safon Coedwigaeth y DU
Bydd y ffenestr ymgeisio yn agor ar 28ain Chwefror 2023. Bydd y cynllun ar agor trwy gydol y flwyddyn (yn amodol ar gyllideb) a bydd ceisiadau’n cael eu dethol bob 6 wythnos. Bydd cyllid ar gael i greu coetir, yn amodol ar gyllideb, gyda ffenestri’n agor bob 3 mis o hynny ymlaen.
Am fwy o wybodaeth yma
Grant Creu Coetir
I’r rhai sydd â diddordeb mewn creu coetiroedd mwy o faint.
Mae’r cynllun hwn yn cynnig cymorth ariannol ar gyfer:
- plannu coed, ffensio a gatiau
- ffensio ar gyfradd uwch o 5.56/metr
- taliadau cynnal a chadw a phremiwm am 12 mlynedd
- ni chollir unrhyw daliad BPS
Mae cyllid ar gael ar gyfer Cynllun Creu Coetir, sy’n ofynnol cyn cyflwyno cais drwy’r Cynllun Cynllunio Creu Coetir.
Ffenestr mynegi diddordeb: 13eg Chwefror – 24ain Mawrth 2023.
Bydd ffenestr ar gyfer ceisiadau pellach yn agor ar 22ain Mai ac yn cau ar 21ain Awst 2023.
Am fwy o wybodaeth yma