Ar hyn o bryd mae Llywodraeth Cymru’n cynnig crafiadau croen am ddim ar gyfer y clafr trwy’r flwyddyn.
Mae’r prawf diagnostig di-dâl ar gyfer defaid sy’n arddangos arwyddion clinigol yn unig.
Bydd y samplau o grafiadau croen yn cael eu derbyn yn y ffordd arferol drwy filfeddyg, a dylid eu postio’n uniongyrchol i Ganolfan Ymchwil Milfeddygol yr Asiantaeth Iechyd Anifeiliaid a Phlanhigion (APHA) yng Nghaerfyrddin, lle byddant yn cynnal profion arnynt. Does dim angen llenwi holiadur epidemioleg bellach i fod yn gymwys ar gyfer profion am ddim.
Gellir cyflwyno samplau un ai - gyda Ffurflen Anifeiliaid Cnoi Cil Bach – neu drwy borth ar-lein ADTS https://www.gov.uk/animal-disease-testing (gellir postio am ddim gydag ADTS). Rhaid anfon ffurflen gyflwyno/cyflwyniad ADTS wedi’i llenwi’n llawn gyda’r samplau, i fod yn gymwys ar gyfer profion am ddim.
Mi fydd angen ichi gynnwys hanes clinigol llawn ac unrhyw hanes o driniaeth berthnasol, a nodi ‘Profion y Clafr Cymru’ ar y ffurflen. Dylid anfon y samplau i:
APHA – Canolfan Ymchwil Milfeddygol Caerfyrddin,
Heol Ffynnon Job
Johnstown
Caerfyrddin
Sir Gaerfyrddin
SA31 3EZ
Ar gyfer ymholiadau neu am fwy o wybodaeth cysylltwch â Chanolfan Ymchwil Milfeddygol Caerfyrddin (APHA) ar 0300 060 0016 neu e-bostiwch