Mae’r Asiantaeth Iechyd Anifeiliaid a Phlanhigion (APHA) yn atgoffa ceidwaid da byw a dofednod o’r risgiau mewn perthynas â lles anifeiliaid yn sgil y cyfnod hir o dywydd sych.
Mae APHA’n tynnu sylw at y camau allweddol y gellir eu cymryd i leihau effeithiau straen gwres yn ystod tywydd poeth.
Mae rhai o’r camau allweddol yn cynnwys, ymhlith pethau eraill:
Ar gyfer pob rhywogaeth:
- Dylid bob amser darparu dŵr ffres digonol. Mewn tywydd poeth iawn, mae hyn yn bwysicach fyth, a bydd angen mwy ohono.
- Os oes yna brinder dŵr neu fod yna amharu ar y cyflenwad, mae’n hanfodol dod i hyd i ffynhonnell ddŵr arall ddiogel ac addas cyn gynted â phosib.
- Dylid cadw golwg ar dda byw yn fwy rheolaidd, heb amharu arnynt yn ormodol, gan gymryd camau i ofalu am eu hiechyd a’u lles, a gofyn cyngor pellach gan eich milfeddyg preifat fel bo angen.
- Dylid mabwysiadu strategaethau maeth dan gyngor y milfeddyg, all gynnwys y defnydd o ychwanegion yn y dŵr.
- Dylid sicrhau bod y pibellau dŵr yn cael eu cadw’n lân ac yn rhydd o rwystrau.
Mae yna gamau allweddol pellach ar gyfer anifeiliaid sy’n pori/a gedwir dan do, ac ar gyfer dofednod a moch. Am gopi, e-bostiwch
Fel rhan o gyfres ddigidol y Sefydliad Siartredig Rheoli Dŵr a’r Amgylchedd (CIWEM), bu UAC yn cymryd rhan mewn gweminar yn ddiweddar a roddodd drosolwg o’r modd y rheolir tywydd sych yng Nghymru, a synopsis o’r uchafbwyntiau hydrolegol a threfn ddigwyddiadau 2022. Mae’r weminar ar gael i’w gwylio yma: https://www.youtube.com/watch?v=0tlB84gwnbo
Mae’r canllawiau canlynol ar gael hefyd ar wefan Llywodraeth Cymru: