Mae Hybu Cig Cymru (HCC) wedi cyhoeddi prosiect peilot newydd, sy’n anelu at hybu proffidioldeb a chynaliadwyedd y sector cig eidion yng Nghymru.
Bydd y prosiect – Datgarboneiddio Cig Eidion Cymru PGI - yn gwerthuso effaith pesgi gwartheg o fewn cyfnod magu byrrach ar elw economaidd ac allyriadau Nwyon Tŷ Gwydr.
Mae HCC yn arwain y gwaith hwn ac mae wrthi ar hyn o bryd yn recriwtio cyfanswm o 50 o ffermwyr – 25 o Geredigion a 25 o Sir Gaerfyrddin – i gymryd rhan yn y prosiect, sy’n cael ei ariannu gan Gronfa Her ARFOR. Mae’r manteision i’r rhai sy’n cymryd rhan yn cynnwys archwiliadau carbon am ddim, a dadansoddiad ariannol am ddim, a allai gynyddu elw busnesau fferm.
I gael mwy o wybodaeth, cysylltwch â HCC ar 01970 625050 neu