Mae Taliadau Gwledig Cymru wedi cyhoeddi diweddariad o’r canllaw ‘Pan ddaw’r archwilydd’ ar gyfer ffermwyr sy’n paratoi ar gyfer archwiliad.
Mae archwiliadau’n cymryd lle ar ganran o ffermydd bob blwyddyn i sicrhau bod ffermwyr yn cydymffurfio â rheolau a rheoliadau gofynnol sy’n amod ar gyfer derbyn cymorth ariannol, neu o ganlyniad i gadw da byw.
Bydd gweithredu ar y cyngor a geir yn y canllaw yn eich helpu i baratoi ar gyfer archwiliadau Trawsgydymffurfio, Cymhwysedd Tir, a chynlluniau cymorth amaethyddol. Mae’n gosod yn glir y camau sydd angen ichi eu cymryd cyn i’r archwilydd alw, ac yn esbonio beth fydd yr archwilydd yn ei wneud yn ystod yr archwiliad.
Yn ogystal ag arweiniad ar sut i baratoi, a beth fydd yn digwydd yn ystod archwiliad ar eich fferm, er hwylustod, mae copïau o’r cofnodion fferm sy’n gysylltiedig â Thrawsgydymffurfio, a chynlluniau eraill wedi’u cynnwys yn y canllaw. Mae pob cofnod yn cynnwys enghraifft wedi’i pharatoi er gwybodaeth. Mae’r holl gofnodion ar gael ar-lein i ffermwyr gadw eu cofnodion fferm eu hunain.
Mae’r canllaw ar gael yma:
https://www.llyw.cymru/archwiliadau-cynlluniau-fferm-canllaw-i-ffermwyr-argraffiad-2024