Mae Cyswllt Ffermio yn cynnig cyngor arbenigol i wella perfformiad busnes a thechnegol.
Mae'r Gwasanaeth Cynghori yn darparu cyngor arbenigol annibynnol, cyfrinachol ac wedi’i deilwra ar gyfer Ffermwyr Cymru
.
Y nod yw sicrhau eich bod yn:
- elwa o gymorth busnes a/neu gyngor technegol, wedi'i deilwra i anghenion eich busnes
- pontio’n effeithiol i'r Cynllun Ffermio Cynaliadwy newydd
- lleihau costau drwy gynyddu effeithlonrwydd ar draws pob maes o'ch busnes
- meincnodi eich perfformiad ac yn gweithio tuag at gynnydd a thwf
- nodi meysydd i’w gwella a chanfod atebion i broblemau
Mae’r cyngor wedi’i ariannu 90% hyd at uchafswm o £3000 ar gyfer pob busnes cymwys, i gael mynediad at gyngor busnes a thechnegol. Mae Swyddogion Datblygu wrth law i gnorthwyo ffermwyr gyda’r broses ymgeisio.
Cyngor un i un: Wedi’i ariannu 80% hyd at uchafswm o £1400 am bob achos o gyngor.
Grŵp Gweithredu Busnes: Wedi’i ariannu 90% hyd at uchafswm o £450 i bob aelod o’r grŵp. Gall rhwng tri ac wyth o fusnesau ymgeisio ar gyfer cyngor fel grŵp.
Menter ar y Cyd: Wedi’i ariannu 100% hyd at uchafswm o £1750 i bob aelod o’r grŵp.
Mae’n rhaid i unrhyw un sy’n cael mynediad at y gwasanaeth cynghori fel unigolyn neu fel rhan o grŵp fod wedi cofrestru gyda Cyswllt Ffermio. Dim ond dau achos o gyngor technegol y gall busnes eu cyrchu yn ystod y rhaglen.
Cyn gwneud cais am gyngor cynllunio busnes neu gyngor technegol sydd ar gael fel rhan o Wasanaeth Cynghori Cyswllt Ffermio, bydd angen ichi:
- gofrestru gyda Cyswllt Ffermio - bydd angen i bob busnes sy’n gwneud cais ar gyfer y Gwasanaeth Cynghori fod wedi derbyn e-bost neu lythyr gan Cyswllt Ffermio’n cadarnhau eu bod wedi cofrestru.
- wneud yn siŵr eich bod yn gymwys ar gyfer y Gwasanaeth Cynghori.
Am fwy o wybodaeth:
https://businesswales.gov.wales/farmingconnect/cy/busnes/gwasanaeth-cynghori