Mae Geraint Davies, ffermwr bîff a defaid ac aelod o gangen Meirionnydd o Undeb Amaethwyr Cymru wedi cael ei benodi fel Cadeirydd Pwyllgor Llais Yr Ifanc Dros Ffermio UAC.

Ynghyd â'i wraig Rachael, mae'n ffermio yn Fedw Arian Uchaf, Rhyduchaf, Y Bala.  Yn fferm organig ers 2005, mae wedi bod yng nghynllun Glastir Sylfaenol ers 2013 ac yn y cynllun Uwch ers 2014.

Mae’r newyddion bod 20 o fanciau ar draws Cymru i gau ym 2018 wedi ysgogi beirniadaeth gan Undeb Amaethwyr Cymru, sy'n disgrifio'r cau fel newyddion trychinebus i fusnesau gwledig.

Mae Undeb Amaethwyr Cymru yn annog siopwyr i wneud y siopa Nadolig yn lleol ac i gefnogi busnesau gwledig a lleol.

Dywedodd Llywydd UAC Glyn Roberts:  “Gyda’r Nadolig ar y trothwy, rwyf am eich annog chi i feddwl am brynu’r cinio Nadolig mawreddog ac anrhegion y teulu a chyfeillion gan fusnesau gwledig a lleol.

“Siaradwch gyda’r cigydd lleol am gig dros yr ?yl ac ewch i’r siop fferm leol i weld beth sydd gyda nhw i gynnig - Rwy'n addo y bydd y rhan fwyaf o'r cynhwysion sydd eu hangen arnoch ar gyfer y cinio Nadolig ar gael yn lleol.

“Mae yna hefyd lawer o siopau bach yn gwerthu crefft Cymreig ac anrhegion a gynlluniwyd yn lleol, ac wrth gwrs mae'r dewis ar gyfer anrhegion bwyd lleol yn helaeth. Mae'n werth cael golwg ar hyn. Bydd ein penderfyniadau bach siopa ni, yn eu tro, yn cael effaith fawr ar ein heconomi wledig.

"Bydd punt sy’n cael ei wario’n lleol yn mynd ymhellach na phunt sy’n cael ei wario mewn siop gadwyn ac mae'n cynnal ein heconomïau gwledig. Drwy gefnogi ein busnesau lleol, nid ydym yn chwyddo cyflog Prif Weithredwr er mwyn prynu cartref gwyliau arall, ond yn hytrach yn helpu mam a thad lleol i roi bwyd ar y bwrdd, mae teulu'n medru talu eu morgais, mae merch fach yn medru cael gwersi dawnsio ac mae bachgen bach yn medru cael crys ei hoff dîm."

Mae ffarmwraig defaid o Geredigion wedi cael ei phenodi fel Cadeirydd newydd pwyllgor addysg a hyfforddiant canolog Undeb Amaethwyr Cymru mewn cyfarfod diweddar yn Aberystwyth.

Mae Anwen Hughes wedi bod yn is gadeirydd y pwyllgor ers 2015, ac yn cymryd yr awenau gan gyflwynydd Ffermio Alun (Elidyr) Edwards sydd wedi bod yn gadeirydd y pwyllgor ers 11 mlynedd.

Bydd nifer yn adnabod Mrs Hughes fel Cadeirydd cangen sir Ceredigion o UAC ac Is-gadeirydd pwyllgor Llais yr Ifanc dros Ffermio.

Mae’n ffermio oddeutu 138 erw, yn berchen ar 99 erw ohono, 22.5 erw ar denantiaeth fferm gydol oes, yn rhentu 17 erw ac yn cadw 100 o ddefaid Lleyn pur, 30 o ddefaid Highland a 300 o ddefaid croes Lleyn a Highland ac mae wedi bod yn ffermio ers 1995 ar fferm Bryngido, ar gyrion Aberaeron, Ceredigion.

Yn siarad ar ôl ei phenodiad, dywedodd Anwen: “Mae’n anrhydedd cael cymryd  awenau’r pwyllgor hollbwysig hwn, ac rwyf am ddiolch i Alun am ei holl waith caled dros y blynyddoedd, tipyn o gamp i’w ddilyn.

“Wrth edrych tuag at y dyfodol, a’r gwaith sydd gan y pwyllgor, bydd ein ffocws ar sut y gall y sector ddatblygu drwy addysg, hyfforddiant ac ymchwil.

“Byddwn wrth gwrs yn parhau i weithio gyda sefydliadau megis Cyswllt Ffermio, Lanta, FACE, HCC a’r colegau amaethyddol er mwyn rhoi’r wybodaeth ddiweddaraf i’n haelodau a chynnig arweiniad.”

Mae Undeb Amaethwyr Cymru (UAC) wedi croesawu adroddiad sydd wedi cael ei gyhoeddi gan All Party Group on Animal Welfare (APGAW) sy'n adolygu'r broblem barhaol o ymosodiadau ar dda byw ac yn anelu at sicrhau bod perchnogion c?n yn fwy cyfrifol.

Ymhlith y materion a archwiliwyd oedd y diffyg o ddewisiadau arall priodol pan nad oes yna fannau gwyrdd a'r anhawster wrth erlyn y rhai sy’n troseddu o hyd.

Mae Undeb Amaethwyr Cymru yn edrych ymlaen at Ffair Aeaf Frenhinol Cymru 2017 hynod o gyffrous, sydd i’w chynnal dydd Llun 27 Tachwedd a dydd Mawrth 28 Tachwedd ar Faes y Sioe Frenhinol yn Llanelwedd.

Gwahoddir aelodau i ymweld  â stondin yr Undeb, sydd gerllaw’r prif gylch arddangos, er mwyn trafod materion #AmaethAmByth lle bydd lluniaeth ysgafn ar gael a croeso cynnes i bawb.