Cyflwynwyd coron drawiadol wedi ei chreu o arian, llechen a gwlân Cymreig gan ferch fferm leol i drefnwyr Eisteddfod Genedlaethol yr Urdd sydd i’w chynnal yn y Bala eleni (Mai 26-31).  Noddwyd y goron gan gangen y sir o Undeb Amaethwyr Cymru.

Yr artist ifanc o Fallwyd, Mari Eluned sydd wedi creu’r goron ac mi fydd yn cael ei chyflwyno i Brif Lenor Urdd Gobaith Cymru yn y pafiliwn am 14.30 ar ddydd Gwener Mai 30.

Dywedodd Swyddog Gweithredol Sirol Cangen UAC Meirionnydd Huw Jones:  “Mae Mari yn artist talentog, ac mae parch mawr i’w gwaith yn lleol ac yn genedlaethol, ac hefyd, wrth gwrs, mae’n ferch fferm leol o Feirionnydd.

“Roeddem yn hapus iawn gyda’r cynlluniau bras a gyflwynwyd i ni ar bapur fisoedd yn ôl, ond dim ond ar ôl gweld y goron wedi ei chwblhau ydym ni yn llawn werthfawrogi pa mor drawiadol ydy hi.”

Ar ôl graddio gyda gradd dosbarth cyntaf mewn gemwaith a gof arian o Brifysgol Loughborough yn 2006, dychwelodd Mari i Gymru i gychwyn busnes ei hun “Mari Eluned” yn cynhyrchu gemwaith unigryw sy’n cyfuno llechen Gymreig gydag arian o’i chartref ym Mallwyd.

Mae’r busnes wedi mynd o nerth i nerth, ac yn 2009 enillodd wobr ‘Crefftwr/Arlunydd Ifanc y Flwyddyn’ yng Ngwobrau Blas a Dawn Gwynedd.

Cafodd y goron ei hysbrydoli gan dymor y gwanwyn, ac wedi ei chreu o arian, aur, llechen Gymreig a defnydd gwyrdd wedi ei wehyddu o wlân Cymreig.

Dywedodd Mari, a gychwynnodd ar y gwaith o greu’r goron ym mis Mawrth: “Cyfres o flagur arian cydgysylltiol sy'n amrywio mewn maint sy'n ffurfio'r goron, ac yn dangos datblygiad cennin pedr o flagur i flodyn.  Mae blaen y goron wedi ei haddurno gyda chennin pedr wedi eu gwneud o lechen, aur ac arian.

Yn ychwanegol mae cyfuchliniau rhai o fynyddoedd Meirionnydd wedi’i ysgrythu i’r arian, tra bod y defnydd o wlân gwyrdd yn cyfleu’r ardal wledig.  Mae botwm o lechen, aur ac arian yn cynrychioli’r copa.

“Gofynnwyd i mi yn ddiweddar gan UAC i greu’r goron ar gyfer Eisteddfod Powys, ond braint llwyr oedd pan gysylltodd yr undeb a mi yngl?n â choron yr Urdd.

[caption id="attachment_2858" align="aligncenter" width="700"] Coron Eisteddfod yr Urdd[/caption]

[caption id="attachment_2859" align="aligncenter" width="1024"] (o’r chwith) llywydd UAC Emyr Jones, cadeirydd pwyllgor gweithredol yr eisteddfod Hedd Pugh, Mari Eluned a Huw Jones.[/caption]

Cafodd cymuned ffermio Ceredigion ei dewis i fod yn rhan o brosiect peilot i roi gwybod i bobl am ganser y coluddyn a sgrinio’r coluddyn.

Mae ffermwyr, eu teuluoedd a’u gweithwyr yn cael eu hannog i fod yn ymwybodol o symptomau canser y coluddyn, ac i fanteisio ar y prawf sgrinio sydd ar gael am ddim i bobl sy’n 60 oed neu’n h?n.

Mae’r ymgyrch codi ymwybyddiaeth yn dod yn sgil partneriaeth unigryw rhwng Is-adran Sgrinio Iechyd Cyhoeddus Cymru, ac Undeb Amaethwyr Cymru (UAC).

Mae UAC wedi cytuno i helpu i godi ymwybyddiaeth o raglen sgrinio’r coluddyn y Gwasanaeth Iechyd, fel rhan o broject peilot gydag Adran Ymgysylltu â Sgrinio Iechyd Cyhoeddus Cymru. Os bydd y prosiect yn llwyddiant, bydd yn cael ei ymestyn i gynnwys rhannau eraill o Gymru.

Bydd y prosiect peilot yn cynnwys cyflwyniad ar sgrinio’r coluddyn yng nghyfarfod cangen Ceredigion o’r undeb yn Aberaeron ar 10 Ebrill. Bydd croeso i deuluoedd a gweithwyr fferm sy’n awyddus i ddysgu mwy am ganser y coluddyn a sgrinio’r coluddyn i ddod i’r cyfarfod yma.

Ar ôl y cyfarfod, bydd pob aelod o gangen Ceredigion o UAC yn cael gwybodaeth am sgrinio’r coluddyn gyda’r rhifyn nesaf o gylchlythyr y sir. Bydd stondinau gwybodaeth hefyd yn amryw o’r marchnadoedd a’r sioeau amaethyddol sydd i’w cynnal ar hyd a lled y sir.

Dywedodd Alison Clement, un o arbenigwyr Iechyd Cyhoeddus Cymru ar Ymgysylltu â Sgrinio: “Rydym yn hynod o falch fod Undeb Amaethwyr Cymru’n ein helpu i roi gwybodaeth am ganser y coluddyn a’r rhaglen sgrinio i’r ffermwyr eu hunain, i’w teuluoedd a’u gweithwyr hefyd.

“Mae sgrinio’r coluddyn yn lleihau’r risg o farw o ganser y coluddyn, ac mae’r prawf ar gael bob dwy flynedd i ddynion a merched sydd rhwng 60 a 74 oed. Rydym yn anfon pecyn y prawf i gartrefi pobl, ac nid oes angen i unrhyw un deithio i ysbyty neu i feddygfa’r meddyg teulu.

“Roedd nifer y bobl a fanteisiodd ar y cyfle i gael prawf sgrinio’r coluddyn wedi gostwng yn ystod blynyddoedd cyntaf y rhaglen, ond mae’r niferoedd yn codi eto. Er bod hyn yn galonogol iawn, mae llawer o bobl o hyd ddim yn manteisio ar y cyfle i gael prawf sgrinio.”

Ychwanegodd: “Er bod canser y coluddyn yn fwy cyffredin mewn pobl h?n, mae’n gallu effeithio ar bobl o bob oed. Mae’n bwysig, felly, fod pobl yn gallu adnabod symptomau canser y coluddyn, ac yn gwybod sut mae lleihau’r risg.”

Dywedodd Emyr Jones, llywydd Undeb Amaethwyr Cymru, fod yr undeb yn awyddus i weithio gydag Iechyd Cyhoeddus Cymru yn y dasg o wneud aelodau’r gymuned ffermio’n fwy ymwybodol o bwysigrwydd profion sgrinio’r coluddyn.

Dywedodd, "Mae rhwystrau’n gysylltiedig â byw yng nghefn gwlad o ran rhoi blaenoriaeth i ofal iechyd. Ymhlith y rhwystrau mae’r ffaith fod ffermydd yn ynysig; ymrwymiadau ffermwyr yn ystod y tymhorau wyna a chynaeafu; diffyg systemau cymorth os nad oes gan ffermwr deulu, cymdogion neu gymuned; ffermwyr yn rhoi blaenoriaeth i iechyd a lles eu hanifeiliaid; a chysylltiadau cludiant gwael i hwyluso’r broses o ddod i gael profion sgrinio neu gadw apwyntiadau meddygol eraill.

"Nod y project a’r bartneriaeth yw helpu i annog ffermwyr, eu teuluoedd, eu gweithwyr a’r gymuned ffermio ehangach i gymryd rhan reolaidd yn y rhaglen sgrinio.”

Ychwanegodd Mr Jones: "Bydd y project yn canolbwyntio yn y lle cyntaf ar sgrinio’r coluddyn. Ond, os bydd yn llwyddiant, efallai byddwn yn rhoi pecyn tebyg ar waith ar gyfer y rhaglenni sgrinio eraill fel sgrinio am ymlediadau aortig abdomenol, sgrinio’r fron a sgrinio gwddf y groth.”

Bydd Undeb Amaethwyr Cymru yn amlygu pwysigrwydd cyllid yr UE i’r gymuned amaethyddol a’r economi wledig Gymreig yn ystod yr Eisteddfod Genedlaethol, sydd i’w chynnal yn Ninbych yr wythnos nesaf (Awst 3-10).

"Bydd ymwelwyr a’r stondin Undeb Amaethwyr Cymru yn cael y cyfle i ddysgu rhagor am y rheswm pam bod hi’n hanfodol i Gymru, ynghyd â'r DU gadw ei haelodaeth o'r UE," meddai swyddog gweithredol sirol, canghennau Dinbych a Fflint Rhys Roberts.

Un o uchafbwyntiau'r wythnos fydd fforwm ar y stondin i drafod manteision ac anfanteision aelodaeth yr UE i Gymru a'r DU a fydd y panel yn cynnwys gwleidyddion o’r Blaid Geidwadol, Plaid Cymru, y Democratiaid Rhyddfrydol a’r Blaid Annibyniaeth y Deyrnas Unedig ynghyd ag aelod o dîm llywyddol yr undeb.

Thema ganolog y stondin fydd Coron yr Eisteddfod, a fydd yn cael ei chyflwyno i'r bardd buddugol am 4.30yp ar brynhawn Llun Awst 5 am gasgliad o gerddi digynghanedd heb fod dros 250 o linellau.  Teitl y gwaith yw Terfysg.

Bydd yr enillydd yn derbyn Coron yr Eisteddfod a gwobr ariannol o £750. Mae’r Goron yn rhodd gan ganghennau siroedd Dinbych a Fflint o Undeb Amaethwyr Cymru a'r wobr ariannol gan Gymdeithas Tai Clwyd Cyf.

"Cafodd y Goron ei chynllunio i amlygu tirweddau godidog Dyffryn a Mynyddoedd Clwyd a bydd y thema yn arddangos y cysylltiadau rhwng, a dylanwad amaethyddiaeth a'r dirwedd a sut mae hynny wedi ffurfio dros amser," dywedodd Mr Roberts.

"Drwy gydol yr wythnos byddwn hefyd yn canolbwyntio ar y cysylltiadau rhwng cyllid yr UE, arferion amaethyddol a rheolaeth amgylcheddol," ychwanegodd.

Bydd ymwelwyr a'r stondin yn cael pot o iogwrt blasus Llaeth y Llan, Llannefydd, a noddir yn garedig gan y perchnogion Falmai a Gareth Roberts.

Bydd cyfle hefyd i flasu amrywiaeth o gawsiau sydd wedi ennill llu o wobrau gan yr hufenfa leol, Hufenfa Llandyrnog sydd hefyd yn cyflenwi'r llaeth ar gyfer y paned o de neu goffi traddodiadol.

Ychwanegodd Mr Roberts: "Bydd arddangosfa o fwyd a diod a gynhyrchir yn lleol yn dwyn sylw at yr amrywiaeth o gynnyrch sydd ar gael yn Nyffryn Clwyd.  Bydd yn gyfle gwych i aelodau a'r cyhoedd i brofi rhai o'r bwydydd gorau a gynhyrchir yn lleol a chael cyfle ar un pryd i ddysgu am y cysylltiadau rhwng ffermwyr, cynhyrchwyr a'r UE. "

Bydd yr artist lleol Llinos Angharad Rogers, merch aelodau UAC, Huw a Glenda Rogers o Fferm Lodge, Dinbych yn bresennol ar ddydd Gwener 9 Awst i arddangos ei gwaith celf ac yn creu darn newydd ar y stondin.

Ar ddydd Mawrth 6 Awst, bydd artist lleol arall, Elen Mair Jones hefyd yn arddangos ei sgiliau braslunio ac enghreifftiau o'i gwaith i’r ymwelwyr.

Trwy gydol yr wythnos, bydd plant o bob oedran yn medru cymryd rhan mewn cystadlaethau sy'n gysylltiedig â’r Goron ac i gynhyrchu bwyd, a bydd ystod o wobrau ar gael i'r enillwyr.

Bydd staff o Davis Meade Property Consultants o Groesoswallt hefyd yn bresennol ar ddydd Iau Awst 8 i gynnig cyngor ar ystod eang o faterion i aelodau UAC.

"Ry dym hefyd yn edrych ymlaen at groesawu'r ACau ac ASau lleol i'r stondin i drafod materion cyfoes megis diwygio'r PAC dros baned o de," meddai Mr Roberts.

[caption id="attachment_2487" align="aligncenter" width="300"] Andrew Coomber, arlunydd a’r gof arian o Sir Fflint sydd wedi cynllunio a gwneud y Goron a gafodd ei hysbrydoli gan liw a delweddau amaethyddol Dyffryn Clwyd a Moel Famau ac sy’n adlewyrchu nodweddion telynegol y dirwedd mewn cytgord â thechnoleg a deunyddiau modern[/caption]

Mae hanes cynllunio a chreu’r goron barddol, a noddir gan Undeb Amaethwyr Cymru ar gyfer Eisteddfod Genedlaethol Sir Ddinbych eleni yn cael ei groniclo ar ffilm.

Mae Cyngor Celfyddydau Cymru wedi ariannu’r ffilm gan yr arlunydd a’r gwneuthurwr ffilmiau proffesiynol Chris Oakley, ac mi fydd yn cael ei dangos yn ystod yr Eisteddfod yn Ninbych (Awst 2-10) ac yn ddiweddarach yng nghanolfan crefftau Rhuthun, Oriel Wrecsam a Phrifysgol Glynd?r.

Cafodd Andrew Coomber, yr arlunydd a’r gof arian o Sir Fflint ei gomisiynu gan ganghennau sirol Dinbych a Fflint o UAC i gynllunio a chreu’r goron sydd yn seiliedig ar liw a delweddaeth amaethyddol Dyffryn Clwyd a Moel Famau ac yn adlewyrchu rhinweddau telynegol y dirwedd mewn cytgord a thechnoleg fodern a deunyddiau.

Gyda chytundeb yr Eisteddfod a UAC, cynhaliwyd y prosiect fel prosiect addysgol a ariannwyd yn allanol.  Ffurfiodd pedwar myfyrwyr gradd celfyddyd gymhwysol blwyddyn olaf o Brifysgol Glynd?r, Wrecsam tîm i gefnogi’r artist.

Dywedodd llywydd cangen Sir Ddinbych o UAC Eryl Hughes: "Mae aelodau siroedd Dinbych a Fflint yn hynod o falch bod yr undeb yn darparu'r goron ar gyfer yr Eisteddfod Genedlaethol eleni.

"Mae'n briodol iawn bod Undeb Amaethwyr Cymru yn gweithio mor agos gyda’r Eisteddfod Genedlaethol gan mai prif nod yr undeb yw diogelu a hyrwyddo lles y rhai sy’n derbyn incwm o amaethyddiaeth yng Nghymru.

"Mae dyluniad y goron yn dangos yn glir sut mae ffermio wedi goroesi mewn cydbwysedd â natur, sy’n galluogi bwyd i gael ei gynhyrchu mewn ffordd gynaliadwy a sicrhau natur i ffynnu a’r gymdeithas i elwa o ystod eang o wasanaethau sy’n cael eu darparu gan yr amgylchedd naturiol.”

Dywedodd arweinydd academaidd ar gyfer y diwydiannau creadigol, y cyfryngau a pherfformio Stuart Cunningham: “Rydym yn hynod o falch bod Andrew wedi dewis myfyrwyr Prifysgol Glynd?r i weithio gydag ef ar brosiect mor bwysig.

"Mae'r brifysgol bob amser yn awyddus i roi cyfle i fyfyrwyr i weithio ar brosiectau go iawn, ac mae hyn yn enghraifft arall o hynny.

"Mae Andrew yn grefftwr hynod o brofiadol ac rwy'n si?r y bydd y wybodaeth a'r profiad y mae wedi trosglwyddo i'r myfyrwyr o fudd aruthrol iddyn nhw."

Wrth ddisgrifio cynllun y goron, dywedodd Mr Coomber: “Mae’r rhan uchaf yn adlewyrchu lliw a rhinweddau bryniau Clwyd a Moel Famau islaw gyda gwerthoedd troellog a llinellog ffyrdd, llwybrau a ffensiau’r ardal, gan greu gwrthgyferbyniad gyda’r paneli lliw sy’n cynrychioli lliwiau’r caeau ar wahanol adegau o’r tymor yn y dyffryn gwledig.

“Crëwyd y goron drwy ddefnyddio pedwar panel alwminiwm wedi’u lliwio a’u hanodeiddio, a’r cyfan wedi’u trosgaenu gyda fframiau arian wedi’u gofannu â llaw.

“Mae'r rhain wedi'u cysylltu â'i gilydd gyda strwythurau tebyg i giât/camfa sy'n cael eu peiriannu gyda chludwyr neilon sy’n lledu er mwyn addasu’r goron ar gyfer unrhyw faint.

“Mae tua 150 o ddarnau unigol wedi’u cyd-osod gan ddefnyddio nytiau a bolltau bychain, yn atgyfnerthu’r cysyniad o beirianneg yn y tirwedd. Mae dehongliad gwydr o D?r y Jiwbilî ar Foel Famau wedi’i osod ar ben y Goron.

“Mae’r ‘waliau’ crisial wedi’u henamlo gyda’r gair ‘bardd’ yn cael ei ailadrodd mewn patrwm wal garreg. Mae’r defnydd porffor yn y Goron wedi’i liwio â llaw ac mae’n cynrychioli lliw’r grug ar fryniau Clwyd ym mis Awst.

[caption id="attachment_2487" align="aligncenter" width="300"] Andrew Coomber gyda’r goron a noddir gan UAC[/caption]

[caption id="attachment_2488" align="aligncenter" width="300"] CYFLWYNO’R GORON: Llywydd cangen sir Ddinbych o UAC Eryl Hughes a llywydd sir Fflint Clwyd Spencer (canol) yn cyflwyno’r goron I gadeirydd pwyllgor Eisteddfod Dinbych John Glyn Jones (dde).[/caption]

Mae swyddogion Undeb Amaethwyr Cymru wedi rhoi eu cefnogaeth i daith gerdded noddedig 200 milltir ar draws Cymru sy’n cael ei arwain gan y tenor Cymreig, Rhys Meirion.

O Orffennaf 13-20 bydd Rhys yn arwain yr ail daith Cerddwn Ymlaen ar draws Cymru ac yn cael cwmni 14 o gerddwr arall gan gynnwys hyfforddwr rygbi Cymru Robin McBryde, Gerallt Pennant o S4C, y cyflwynydd teledu Iolo Williams, y digrifwr Cymreig Tudur Owen a’r ffermwr, Arwyn Davies.

Bu Llywydd UAC Emyr Jones a cynrychiolydd De Cymru'r Pwyllgor Cyllid a Threfn yr Undeb Brian Thomas yn cwrdd â Rhys ac Arwyn yn Eisteddfod yr Urdd wythnos yma i drafod trefniadau ar gyfer yswirio’r daith gerdded.

Darparwyd yr yswiriant ar gyfer y daith llynedd gan yr Undeb a diolch i’r gefnogaeth hynny llwyddwyd i godi dros  £91,000 i wasanaeth Ambiwlans Awyr Cymru.

Mae Cerddwn Ymlaen eleni’n debygol o fod yn fwy o achlysur gyda rhyw 25 o gerddwr ar y briffordd bob dydd ynghyd a channoedd o bobl yn cerdded y cymalau cyhoeddus oddi ar y ffordd.

Dywedodd Rhys: “Rwy’n hynod o ddiolchgar i Emyr Jones ac UAC am gymryd yr amser i ddod yma i gyfarfod ni ar Faes yr Eisteddfod ac am yr holl gymorth arbenigol i drefnu’r yswiriant priodol.

Rydym wedi cael llawer o gyngor oddi wrth UAC.  Maent wedi bod o gymorth mawr i ni wrth drefnu’r yswiriant hyd yma”

[caption id="attachment_2418" align="aligncenter" width="300"] From left, Emyr Jones, Rhys Meirion, Arwyn Davies and Brian Thomas.[/caption]

Mae Undeb Amaethwyr Cymru wedi bod yn cydweithio â ffermwyr ifanc Sir Benfro yn ystod Eisteddfod Genedlaethol yr Urdd er mwyn hyrwyddo ffermio yn ogystal â gwaith cymunedol ac elusennol yn y sir.

Rhannodd CFfI Sir Benfro stondin gyda UAC lle cynhaliwyd nifer o weithgareddau, gan gynnwys arddangosfeydd a chystadlaethau drwy gydol yr wythnos.

Roedd y gweithgareddau’n cynnwys lansio Gwobr Busnes Cefn Gwlad UAC, cangen Sir Benfro ar ei newydd wedd heddiw gan Y Gweinidog Cyfoeth Naturiol a Bwyd Alun Davies.

Mae’r wobr ar gyfer unigolyn 40 mlwydd oed neu iau sydd wedi datblygu busnes gwledig ei hunan ac sydd yn neu wedi bod yn weithgar gyda CFfI Sir Benfro naill ai fel aelod, cyn aelod, arweinydd clwb neu hyfforddwr.

Yn siarad o faes yr Eisteddfod, dywedodd y Gweinidog: “Rwy’n hynod o falch i gael y cyfle i lansio'r wobr hon sy'n cydnabod y gwaith gwych y mae pobl ifanc yn ei wneud i gefnogi economi wledig Sir Benfro.

"Mae'r wobr yn dangos y pwysigrwydd o gadw busnes yng nghalon y diwydiant ffermio. Mae'n hanfodol ein bod yn cydnabod pobl sy'n ymdrechu i ddarparu busnesau amaethyddol proffesiynol, proffidiol a chynaliadwy yn ystod y cyfnod hwn o newid mawr. "

"Rydym yn chwilio am geisiadau oddi wrth ystod eang o bobl gan gynnwys y rheiny sy’n ffermio yn rhinwedd eu hunain," ychwanegodd Rebecca Voyle, Swyddog Gweithredol UAC, cangen Sir Benfro.

"Mae’n rhaid i’r ymgeiswyr fod yn rheiny sy'n darparu gwasanaeth i'r sector amaethyddol neu’n bobl sydd wedi dechrau busnes yng nghefn gwlad megis gwneud cacennau, gwasanaethau trydanol, crefftau neu ddysgu cerddoriaeth.  Mae'r rhestr yn ddiddiwedd.

"O gyflwyno’r wobr hon rydym yn gobeithio amlygu’r gwaith ardderchog mae pobl ifanc yn ei wneud i gadw ardaloedd gwledig Sir Benfro yn llefydd bywiog ac economaidd weithgar."

I fod yn gymwys ar gyfer y wobr mae'n rhaid i'r unigolyn fod yn: -

• 40 mlwydd oed neu’n iau ar 1 Ionawr 2013
• Cymryd rhan weithredol mewn busnes gwledig yn Sir Benfro
• Gysylltiedig gyda CFfI Sir Benfro unai fel aelod, cyn aelod, arweinydd clwb neu hyfforddwr

Bydd gwobr ariannol, tlws parhaol ac aelodaeth blwyddyn am ddim gydag Undeb Amaethwyr Cymru yn cael eu gwobrwyo i'r enillydd yn ystod Sioe Sir Benfro (Awst 13-15).

Mae’n rhaid cyflwyno ceisiadau i swyddfa UAC yn Sir Benfro yn 3 North Street, Hwlffordd erbyn 5yp ar ddydd Mercher Gorffennaf 10.  Bydd rhagor o wybodaeth ar gael ar stondin UAC yn ystod yr Eisteddfod.

"Mae’n rhaid i rheiny sy’n enwebu rhywun gael caniatâd y person cyn rhoi’r enw ymlaen am y wobr," meddai Mrs Voyle.

Noddwyd Medal Gelf yr Eisteddfod gan UAC, cangen Sir Benfro a cynhaliwyd nifer o weithgareddau ar stondin yr Undeb gan gynnwys cwis i’r plant hyd at 11 mlwydd oed yngl?n â’r gwahanol fathau o ffermio a’r rhan mae gwenyn yn eu chwarae yn y broses o gynhyrchu bwyd.  Y wobr fydd set fferm i blentyn.

Roedd gan y CFfI arddangosfa o rai o gynigion y clybiau yng nghystadlaethau’r rali sirol eleni a gwybodaeth am y gwahanol weithgareddau y mae aelodau’r CFfI yn cymryd rhan mewn gan gynnwys  gwaith elusennol a chymunedol.

[caption id="attachment_2412" align="aligncenter" width="300"] Alun Davies (ail o’r dde) ar stondin UAC gyda swyddogion yr Undeb (o’r chwith) dirprwy lywydd Glyn Roberts, cadeirydd sir Benfro John Savins (cefn), is gadeirydd y sir Hywel Vaughan, is lywydd Richard Vaughan a chynrychiolydd de Cymru ar Bwyllgor Cyllid a Threfn canolog yr Undeb Brian Thomas[/caption]