Mae cangen Ceredigion o Undeb Amaethwyr Cymru, nid yn unig wedi codi ysbryd ffermwyr lleol a’r gymuned wledig, ond hefyd arian hanfodol ar gyfer elusen iechyd meddwl y DPJ Foundation.
Gan gynnal tri digwyddiad brecwast prysur, fel rhan o wythnos brecwast Ffermdy UAC, mwynhaodd ffrindiau, aelodau a ffermwyr Ceredigion ddod at ei gilydd yng Nghanolfan Gymunedol Mynach, Pontarfynach, Neuadd Caerwedros a Neuadd Felinfach.
Mae’r amser yna o’r flwyddyn wedi cyrraedd unwaith eto wrth i ni ddechrau meddwl am y Ffurflenni Cais Sengl (SAF). Mae’r cyfnod ymgeisio yn agor ar Fawrth 1taf ac mae Undeb Amaethwyr Cymru (UAC) yn atgoffa ei haelodau bod staff y sir yma i helpu ac yn barod i ysgwyddo’r baich o lenwi'r ffurflen.
Mae UAC yn darparu'r gwasanaeth hwn yn arbennig ar gyfer aelodau llawn fel rhan o'u pecyn aelodaeth, sydd wedi bod yn amhrisiadwy i filoedd o aelodau dros y blynyddoedd - gan arbed amser a phenbleth gwaith papur.
Dywedodd Ymgynghorwr Polisi Arbennig Rebecca Voyle: "Yn ôl pob tebyg, y broses o gwblhau’r SAF yw'r un ymarferiad cwblhau ffurflen bwysicaf sy'n cael ei wneud gan ffermwyr Cymru ers 2004, ac mae canlyniadau ariannol gwallau ar y ffurflenni yn ddifrifol. Nid yn unig mae ein staff wedi'u hyfforddi'n dda ond mae ganddynt brofiad helaeth o ymdrin â'r broses ymgeisio gymhleth.”
Mae cangen Meirionnydd o Undeb Amaethwyr Cymru (UAC) yn estyn croeso cynnes i aelodau, ffermwyr, ffrindiau, teulu a gwleidyddion lleol i ymuno â nhw am frecwast. Gan gynnal dau ddigwyddiad brecwast er budd Wythnos Frecwast Ffermdy blynyddol UAC, mae’r gangen leol yn edrych ymlaen at lawer o sgyrsiau ynglŷn â materion ffermio dros baned a brecwast.
Cynhelir y digwyddiadau dydd Llun 7 Chwefror am 9.30yb yng Nghaffi Cymunedol, Dyffryn Ardudwy ac ar ddydd Iau 10 Chwefror am 9.00yb yng Nghaffi Llyn, Trawsfynydd gan obeithio codi arian hanfodol i elusen Llywydd UAC, sef Sefydliad DPJ.
Wrth siarad cyn y digwyddiadau, dywedodd Llywydd Sirol UAC Meirionnydd Euros Puw: “Rydym yn hynod o falch ein bod yn gallu cynnal y digwyddiadau brecwast hyn ar ôl i ni eu gohirio oherwydd Covid-19. Mae wythnos frecwast yn adeg bwysig yn ein calendr bob blwyddyn gan ei fod yn rhoi cyfle i ni ddod at ein gilydd gyda ffrindiau, teulu, cymdogion a ffermwyr eraill na fyddwn yn eu gweld yn rheolaidd efallai.
Mae cangen Ceredigion o Undeb Amaethwyr Cymru yn cynnal tri digwyddiad brecwast ym mis Chwefror i ddathlu nid yn unig y bwyd cynaliadwy, maethlon y mae ffermwyr yn ei gynhyrchu bob dydd, ond hefyd i gael pobl o gwmpas y bwrdd i siarad am eu pryderon, a’i gobeithion yn ogystal â materion ffermio ehangach.
Cynhelir y digwyddiadau brecwast, sy’n agored i bawb, ddydd Mercher 9 Chwefror yng Nghanolfan Gymunedol Mynach, Pontarfynach, dydd Iau 10 Chwefror yn Neuadd Caerwedros, Caerwedros a dydd Gwener 11 Chwefror yn Neuadd Felinfach, Felinfach.
Mae brecwast yn £10 y pen gyda'r elw yn cael ei roi tuag at elusen Llywydd UAC - y DPJ Foundation.
Wrth siarad cyn y digwyddiadau, dywedodd Swyddog Gweithredol UAC Ceredigion, Emma Davies:
Mae cangen Caernarfon o Undeb Amaethwyr Cymru wedi llwyddo i godi swm aruthrol o arian at elusen gyda’i digwyddiadau brecwast ffermdy unwaith eto.
Llwyddodd y digwyddiadau, a gynhaliwyd yn Siop Fferm a Chaffi Abersoch, Sarn Bach, Pwllheli; Fferm Bryn Hynog, Llannor, Pwllheli a Chaffi Anne, Marchnad Da Byw Bryncir, Bryncir i godi dros £3000 ar gyfer elusen ddewisol Llywydd UAC – Sefydliad DPJ, a Chronfa’r Goron Eisteddfod Genedlaethol Llŷn ac Eifionydd 2023.
Er gwaethaf cyfyngiadau Covid, denodd yr achlysur gefnogaeth wych gan y cymunedau lleol ac mae'r arian yn parhau i lifo mewn.
Dywedodd Cadeirydd Sir Gaernarfon, John Hughes: “Unwaith eto mae’n rhaid diolch i’r gwragedd fferm, eu teuluoedd a’u ffrindiau am ddarparu brecwastau bendigedig gan ddefnyddio cynnyrch lleol. Diolchwn i Sion a Delyth Edwards, Dylan a Jackie Williams ac Anne Franz a’u timau gweithgar am eu hymdrechion ardderchog sydd wedi codi gymaint o arian at elusennau haeddiannol iawn.
“Yn ogystal hoffwn ddiolch i’r holl fusnesau lleol isod am eu cefnogaeth a rhoddion amhrisiadwy, a hefyd i bawb a fynychodd y tri digwyddiad, heb eu cyfraniad hwy byddai wedi bod yn amhosib casglu swm mor anrhydeddus”.
Mae Undeb Amaethwyr Cymru (UAC) wedi ysgrifennu at ASDA ynglŷn â phenderfyniad yr archfarchnad i gamu nôl o’i haddewid i werthu cig eidion 100% Prydeinig ffres ychydig wythnosau ar ôl gweithredu’r addewid.
Daw’r llythyr ar ôl i ffermwyr o bob rhan o Gymru gysylltu â’r undeb i fynegi eu dicter a’u siom.
Mae UAC wedi cyfarfod â chynrychiolwyr o ASDA ar sawl achlysur drwy gydol y pandemig i drafod pwysigrwydd cefnogi cynhyrchwyr o Gymru a’r DU ar adeg pan oedd cadwyni cyflenwi bwyd byd-eang yn gyfnewidiol iawn.
Felly, roedd yr ymrwymiad i werthu llaeth, tatws a chig eidion ffres 100% o Brydain yn dilyn gwerthu cyfran fwyafrifol y manwerthwr wedi'i groesawu.
Mewn llythyr at ASDA, dywedodd Llywydd UAC Glyn Roberts: “Serch hynny, mae’r penderfyniad diweddar i dynnu nôl o’r addewid i werthu cig eidion 100% Prydeinig ffres ar ôl dim ond dau fis o wneud hynny wedi bod yn sioc i aelodau UAC, yn enwedig o ystyried y ffaith bod manwerthwyr mawr eraill wedi ymrwymo i gynnal addewidion o’r fath er gwaethaf amodau presennol y farchnad.”
